Zarauzko 2026 Astronomia Asteko hitzaldiak zuzenean ikusteko aukera

Urtero bezala, aurten ere Astronomia Asteak interesa eta jakin-mina piztu ditu Zarautzen. Aurtengo edizioan,aditu eta dibulgatzaile bikainen eskutik, besteak beste eguzki‑eklipseen ikusgarritasuna, Eguzki‑Sistemaren sekretuak edo krisi kontzeptuari buruzko gogoetak izan ditugu hizpide. Gehienok hitzaldiak aurrez aurre gozatzeko aukera izan genuen arren, badakigu beste batzuk ordutegiak, eguneroko lanak edo bestelako konpromisoak tarteko ezin izan zirela bertaratu.

Hoi dela eta, Arkamurka Natura Elkarteak emanaldi guztiak grabatu ondoren ikusgai jarri ditu. Ezagutza partekatzeko modu honek aukera ematen du Astronomia Astea denboran luzatzeko, eta bide batez inguruan zientziaren kultura indartzen jarraitzeko.

Ondorengo esteka hauetan aurkituko dituzue hitzaldiak bere osotasunean. Jarri pantaila aurrean eta utzi unibertsoari lilura zaitzan.

Hitzaldia eta solasaldia; Petrolioa, Gerrak eta Trantsizio Faltsuak

Gure egunerokoan eragin zuzena duten gaiak argitzeko eta ikuspegi kritiko, hurbil eta ulerterraza eskaintzeko, hitzaldi berri bat antolatu dugu. Petrolioaren inguruko gatazkak, trantsizio energetikoaren itzalak eta gure kontsumo-ereduen ondorioak izango ditugu hizpide.

Ez da beharrezkoa gaian aditua izatea: adibide argiak, gertukoak eta ulertzeko errazak emango dira.

📅 Eguna: Apirilak 23, osteguna

⏰ Ordua: 19:00etan

📍 Lekua: Zarauzko Modelo aretoa

🎙 Hizlariak: Aitziber Sarobe Egiguren eta Alex Lopez

ZATOZ ETA PARTE HARTU!!!

Zure egunerokoarekin lotura zuzena duten gaiak modu argian azaltzeko aukera izango da, galderak egiteko eta iritziak partekatzeko tartearekin.

 

ZARAUZKO ORKIDEAK EZAGUTZEKO IRTEERA, 2026 apirilak 18

Orkidea basatiak gure herriko belardietan izaten ditugu urtero, eboluzio handiko landare hauek bertatik bertara ikusteko aukera paregabea dugu irteera hau. Beraien bitxikeriak, egokitzapenak eta edertasuna gertutik ezagutuko ditugu. Zatoz gurekin!

Arkamurka eta Gerriko Berde-Urdinak antolatuta egingo dugu Zarauzko orkideen ibilbidea.

📅 Eguna: Apirilak 18

⏰ Ordua: Goizeko 9:00etan

📍 Elkargunea: Agueseneko biribilguneko bus geltokia

Gure inguruko biodibertsitatea hobeto ezagutu eta bide batez naturaz gozatzea nahi baduzu aukera bikaina duzu larunbateko irteera hau. Animatu!!!!

“Lurralde Basatia” dokumentalaren ondorengo solasaldia zuzenean ikusteko aukera

“Lurralde Basatia” dokumentalak piztu duen jakin-min eta emozioaren harira, pozik iragartzen dugu emanaldia amaitu ondoren egin zen solasaldia zuzenean jarraitzeko aukera duzuela hemen. Natura basatiaren ertzetan bizi diren istorio hauek elkarrekin sakontzeko aukera izan zen. Hemen duzue solasaldia ikusteko aukera;

Natura eta fauna basatia maite badituzu, ezin duzu galdu dokumental hau. Martxoaren 26an, ostegunez, Iñaki Atxa Aranburu natur argazkilari eta ikus-entzunezko sortzaileak bere azken lana aurkeztuko zuen: Lurralde Basatia dokumentala.

Emanaldia Zarauzko Modelo aretoan izan zen, 19:00etan, eta dokumentala ikusi ondoren solasaldi bat egongo zen egilearekin. 

Iñaki Atxak ibilbide luzea du munduko txoko askotan fauna basatia grabatzen eta argazkiak egiten. Bere begirada zorrotz eta hurbilak aukera ematen digu gure inguruko animalien bizitza isila eta askotan ikusezina ezagutzeko.

Natura, fauna eta ikus-entzunezkoak gustuko badituzu, hauxe izan zen hitzordua.

“Cantábrico Salvaje” Zarautzen: itsasoaren magia eta Talledoren begirada zuzenean grabatuta ikusteko aukera duzue hemen

Otsailaren 26an Modelo aretoak itsasoaren indarra eta edertasuna hartu zituen. “Cantábrico Salvaje” dokumentalaren proiekzioak eta ondorengo solasaldiak ikus-entzuleak Kantauri itsasoaren bihotzera eraman zituen, eta guk ere aukera izan genuen une hori gertutik bizitzeko.

Gaur blogean partekatzen ditugun irudiak Talledoren hitzaldian grabatutakoak dira; dokumentaleko irudiak ezin dira publikatu, baina solasaldiak berak utzi zuen materiala nahikoa da itsas munduaren lilura transmititzeko. Hemen emanaldian grabatutako irudiak;

Talledo: itsaspeko munduaren kontalaririk finenetakoa

Urteak daramatza Talledok itsaspeko bizitza dokumentatzen: kameralaria, argazkilaria eta Secretos del Océano proiektuaren sortzailea da. Bere lanak nazioarteko hedabideetan argitaratu dira —National Geographic, The Guardian, Lonely Planet, Europar Batasuna edo Espainiako Ozeanografia Institutua, besteak beste— eta hori ez da kasualitatea. Bere begiradak badu zerbait berezia: itsasoaren handitasuna gertuko bihurtzen du.

Solasaldian grabatutako irudietan ikus daiteke nola azaltzen dituen grabazio-prozesuak, nola kontatzen duen bale urdin baten edo zere arrunt baten atzetik ibiltzea zer den, eta nola ulertzen duen itsasoaren erritmoa.

“Socava, vida sumergida”: itsaspeko bizitzaren beste leiho bat

Emanaldian, Talledok beste dokumental bat ere gomendatu zigun:

“Socava, vida sumergida”, itsaspeko biodibertsitatearen inguruko pieza zoragarria.

Dokumental hori ezin dugu hemen zuzenean txertatu, baina bere hitzaldiko irudiak eta Socava-ren espiritua lagun hartuta, saio hartan bizi izan genuen giroa eta mezua berreraiki ditugu: itsasoa ez da soilik paisaia bat, bizidun erraldoi eta konplexu bat da, eta gure begiradak eta gure erabakiak behar ditu. Itsasoa maite dutenentzat, aukera paregabea Emanaldia eta solasaldia gazteleraz izan ziren, eta aretora etorri ziren ikusleek argi utzi zuten:

itsas munduak badu zerbait berezia gurean.

Naturzaleentzat, argazkilarientzat, ikus-entzunezkoak maite dituztenentzat edo, besterik gabe, itsasoaren indarrak hunkitzen dituenentzat, Talledoren hitzak eta irudiak benetako opari bat izan ziren.

Hemen uzten ditugu gure kamerak jaso zituen une batzuk, solasaldi hartako atmosferaren zati bat berreskuratzeko.

ZARAUZKO XXVIII ASTRONOMIA ASTEA

2026ko martxoaren 12tik 14ra

Bagatoz beste behin proposamen berri eta freskagarriekin.

Askotan unibertsoa finko eta geldirik dagoen gauza bat dela iruditzen zaigu, baino beti daude gauza berriak zientzia azterketa aldetik edota behaketa aldetik ere. Berriak edo ezohikoak. Aurtengoan ere guzti horietarik batzuk ekarri nahi dizkizuegu.

Zientziaren alorrean ematen ari den eztabaida baten berri ematen hasiko gara. James Webb teleskopioak berriki egindako neurketa batzuk direla eta sortutako eztabaida interesgarri baten berri ematen hasiko gara.

Eta behaketa aldetik laster gure inguruan guztiz ezohikoak izango diren eklipseei buruzko informazioa ere ekarriko dizuegu.

Bidaiatxo bat ere egingo dugu gure eguzki sisteman zehar; lasaia, dibertigarria eta kuriositate txikiz betea.

Eta ohikoa dugun gaueko behaketa ere izango dugu, noski.

Esan bezala, aktualitatez beteriko menu freskagarri hau probatu nahi baduzu, zatoz!

Martxoak 12, 19:00tan

Arkamurka Natura Elkartearen aretoan (Sta Marina kalea 2, 2.)

Ander Gonzalez de Txabarri

Arkamurka Natura Elkarteko kidea

Krisia? Zer krisi?

Zerbait ustelduta dago Danimarkan astrofisikan. Duela mende eskas bat, 1924an, Edwin Hubble astronomo estatubatuarrak munduaren ikuspegia goitik behera aldatu zuen: Esne Bidetik haratago beste galaxia batzuk bazirela aurkitu zuen. Bost urte geroago, aurkikuntza are harrigarriago bat egin zuen: galaxia horiek guztiak gugandik (eta elkarrengandik) urruntzen ari zirela konturatu zen. Unibertsoa ez zen estatikoa, hazten ari zen!

Aurkikuntza hartatik hona, astrofisikariek grina handiz aztertu dituzte "izar-hiri" hauek. Gaur egun, badakigu nolako tamaina eta forma duten, haien adina zein den eta denboran zehar nola eboluzionatu duten. Hala ere, galdera bakar batek gaur egungo kosmologia kolokan du: zein azkar ari da unibertsoa zabaltzen?

Harrigarria bada ere, lehen begiratuan neurketa “sinplea” dirudien arren, azken hamarkadetan arazo honek zientzialariak buruhauste handi batean mantendu ditu. Teknika desberdinak erabilita, bateragarriak ez diren erantzunak lortzen dira.

Bi neurketa horien arteko arrakalari “Kosmologiaren Krisia” edo Hubbleren Tentsioa deritzo. Ez da akats txiki bat; gaur egun fisikak duen misteriorik sakonenetako bat da, gure unibertsoaren funtzionamenduari buruzko oinarrizko zerbait ulertzen ez dugula esan nahi baitu.

Hitzaldi honetan, krisi honen jatorriari eta esanahiari buruz hitz egingo dugu. Azalpen posibleak aztertuko ditugu —fisika berri baten atarian ote gaude?— eta kontraesan honek zientziaren funtzionamenduari buruz zer irakasten digun eztabaidatuko dugu.

-------------------------------

13 de marzo a las 19:00

En el local de Arkamurka Natura Elkartea (Sta Marina kalea 2, 2.)

Esteban Esteban

Expresidente de la Asociación para la Enseñanza de la Astronomía

Los extraordinarios eclipses de sol de los próximos 3 años

El famoso astrónomo francés Camille Flamarion dijo en una ocasión que un eclipse total de Sol es el fenómeno más espectacular que la naturaleza nos puede ofrecer, y todo el mundo debería ver alguno en su vida; afirmación que es compartida por muchos aficionados a la astronomía. No es solo la forma especial que va adquiriendo el disco solar al ir siendo ocultado por la Luna, el llamado “sol negro” o la visión de la corona solar en la única circunstancia en que es posible, sino fundamentalmente la breve noche durante el día: Un cambio brusco y sobrecogedor de iluminación que se producirá aunque esté nublado.

Este próximo verano, el 12 de agosto, podrá verse uno de estos eclipses desde diversas zonas de la Península Ibérica. Desde la costa guipuzcoana solo será parcial, pero en zonas del Suroeste de la provincia misma, así como en la mayor parte de Bizkaia y toda Álaba habrá un intervalo de totalidad y podremos movernos por nuestro entorno buscando el lugar idóneo. Pero solo un mapa no será suficiente porque el eclipse se producirá por la tarde y la totalidad ocurrirá con el Sol ya a baja altura, por lo que se darán indicaciones en la charla para conocer de antemano si un lugar es adecuado.

Este eclipse ha despertado mucho interés por varios motivos. Por una parte hace 160 años que no es visible algo igual desde aquí, y prácticamente la península Ibérica será la única zona del mundo habitado en que pueda verse, aparte de Groenlandia e Islandia, habiéndose estimado en unos 10 millones de personas extranjeras que vendrán aquí a observarlo.

Además en diferentes zonas de la península se producirá un segundo eclipse total un año después y otro anular año y medio después, en enero de 2028. Esta circunstancia es totalmente excepcional ya que no ha ocurrido nunca en la península, al menos desde hace 3000 años en que hay estudios.

En la charla se darán datos, explicaciones de cómo se producen estos fenómenos, algunas curiosas circunstancias en cuanto a su periodicidad, cuándo y por qué ocurren, las llamadas “estaciones de eclipses”, simulaciones de los mismos, y sobre todo cómo se puede observar con diferentes instrumentos o medios tan curiosos como las sombras de los árboles, y cómo observarlos con seguridad.

------------------------------------------

Martxoak 14, 17:30tan

Arkamurka Natura Elkartearen aretoan (Sta Marina kalea 2, 2.)

Josu Gonzalez

Ilatargi Astronomia Taldeko kidea

Eguzki-Sistema ezagutzen

Eguzki Sistemaren inguruko hitzaldi bat izango da, baina modu dibertigarri batean. Ilatargi Astronomia Taldearen Ilatargi X espazio-ontzira igoko gara, eta Eguzki Sisteman zehar bidaia bat egingo dugu: Lurretik abiatuta, Eguzkira hurbilduko gara, planetaz planeta bidaiatuz, Neptunoraino iritsi eta handik berriz etxera itzultzeko.

Zientzia egongo da, noski, baina publiko orokorrari zuzenduta. Umeentzako keinuak egongo dira, baita helduentzat ere. Azken finean, helburua argia da: jendeak zerbait ikastea eta, aldi berean, ondo pasatzea.

9 urtetatik gorako edonorentzat egokia izateko prestatu dugu. Beraz elkarrekin familian etortzea proposatzen dizuegu astronomiarekin batera tarte eder bat pasatzeko.

Eguzkitik Neptunora, Galileo Galileitik Carl Saganera, bidaia espaziala izango da, baina baita bidaia historiko eta emozionala ere, zientzia eta jakinmina oinarri hartuta.

Gure lekua Unibertsoan ulertzeko gonbidapena.

----------------------------------------

Martxoak 14, 19:30tatik aurrera

Torreoiaren goikaldeko solairuan

Arkamurka Natura Elkartea eta Ilatargi Astronomia Taldea

Gaueko behaketa

Aurreko urtetan bezala, eguraldia lagun badugu, Torreoira hurbilduko gara gaueko zeruak eskeintzen diguna behatu asmoz. Aurreko urtean ilargi handi eder bat izan genuen ikusgai, baino aurtengoan dexente gutxiago argituko digu; beraz beste zenbait elementu behatzeko aukera aprobetxatuko dugu.

Artizarra ikusgai izango dugu eta baita Jupiter planeta ere. Gainera Jupiter planetaren Europa satelitea bere atzetik desagertzen ikusten saiatuko gara; 20:47ak inguruan gertatuko da hori.

Hortaz gain zenbait nebulosa, kumulo eta galaxia ikusten saiatuko gara denborak eta lainoek ematen dizkiguten aukeren arabera.

Torreoiko goiko solairuan bizpahiru teleskopio jarriko ditugu guzti hauek ahalik eta ondoen ikusteko. Begibistaz ere saiatuko gara gaueko zerua hobeto ezagutzen eta horretarako informazio orritxo batzuk banatuko ditugu ikusgai dauden konstelazioak eta behatuko ditugun gainerako elementuak zeruan kokatu asmoz.

Eta noski, gu azalpenak emateko prest, beti bezala: etorri behatu eta galdetu!

“Cantábrico Salvaje” DOKUMENTALA Zarautzen ikusgai

Kantauri itsasoaren magia eta indarra pantaila handian bizitzeko gonbidapena da hau. Otsailaren 26an, ostegunez, 19:00etan, Modelo aretoan “Cantábrico Salvaje” dokumentala proiektatuko da, eta ondoren egilearekin solasaldia izango da.

Talledok urteak daramatza itsaspeko mundua kontatzen: kameralaria, argazkilaria eta Secretos del Océano proiektuaren zuzendaria izateaz gain, bere lanak nazioarteko hedabideetan argitaratu dira, besteak beste National Geographic, The Guardian, Lonely Planet, Europar Batasuna edo Espainiako Ozeanografia Institutuetan.

Dokumentalak Kantauri itsasoko fauna ikusgarria erakutsiko du, planetako animalia handienetako batzuk barne —hala nola bale urdina edo zere arrunta—, irudi ikusgarri horiekin ikuslea itsasoaren handitasunera murgiltzen du.

Emanaldia eta ondorengo solasaldia gazteleraz izango dira. Itsas mundua maite dutenentzat, naturzaleentzat zein ikus-entzunezkoak gogoko dituanarentzat aukera paregabea izango da egilearekin zuzenean hitz egiteko aukera izatea. Grabazio-prozesuaren atzean dauden istorioak ere adieraziko ditu.

• Eguna: Otsailak 26, osteguna

• Ordua: 19:00

• Tokia: Zarauzko Modelo aretoa

• Hizkuntza: Dokumentala eta solasaldia gazteleraz

2026ko hegazti urtarren urteko kontaketak Zarautzen eta Getarian

Zertzeta arruntak. Koldo Lizundiak egun hauetan Iñurritzan ateratako argazkia da

Arkamurkaren eskutik aurten ere Zarautz eta Getariko hegazti urtarren errolda egin degu: Ondoren nola egiten den eta zertarako balio duen adieraziko dizuegu.

Urtarrileko hotzak iristen direnean, gure hezeguneak neguko isiltasunean barneratuta egoten dira. Baina egun horietan, ehunka ornitologo eta boluntario ateratzen gara hezeguneetara, urteko jarraipen garrantzitsuenetako batean parte hartzera: hegazti urtarren inbentarioa egiten dugu. Lan koordinatu eta erraldoi honek aukera paregabea ematen digu gure hegazti populazioen egoera ezagutzeko eta hezeguneen osasuna neurtzeko.

🌍 Zer da errolda hau?

Hegazti urtarren errolda urtean behin egiten den zenbaketa sinkronizatua da, urtero urtarrilean izaten da. Helburua  hezeguneetan negua igarotzen duten hegazti guztiak zenbatzea da: Besteak beste ahateak, antzarak, kaioak, limikoloak, zikoinak, kuartzak, kurriloak eta abar zein ur-inguruneekin lotura duten beste espezie asko.

Iberiar penintsulako datuak International Waterbird Census (IWC) programaren parte dira, eta horri esker, mundu mailako joerak alderatu eta interpretatu daitezke.

Nola egiten da?

Metodoa sinplea dirudi, baina antolaketak  zehaztasun handia eskatzen ditu.

1. Hezeguneen hautaketa

Hezegune, urtegi, padura, estuario, ibai, portu eta bestelako ur-guneak bisitatzen dira. Autonomia-erkidego bakoitzak lehentasunezko zerrenda bat du, estaldura zabala eta errepresentatiboa bermatzeko.

2. Zenbaketa sinkronizatua

Zenbaketak asteburu berean egiten dira, hegaztien mugimenduek bikoizketak sor ez ditzaten. Taldeek hezegunea zeharkatzen dute edo behaketa-puntu finkoetatik lan egiten dute, espezieak banatu eta kopuruak jasoz.

3. Behaketa-teknikak

• Prismatikoak eta teleskopioak

• Oinez edo ibilgailuz egindako ibilbideak

• Hezegunea sektoreetan banatzea

• Kasu batzuetan, argazki aerioak edo droneak

4. Datuen erregistroa eta bidalketa

Emaitzak autonomia-erkidegoetako eta estatuko datu-baseetan sartzen dira, eta ondoren IWC programara igotzen dira, joerak aztertzeko.

Zertarako balio du?

Zenbaketa honek ez du soilik “zenbat hegazti dauden” esaten. Askoz gehiagorako da.

1. Populazioen tamaina ezagutzeko;

Urtez urte zenbat hegaztik negutzen duten jakiteko eta gorabeherak detektatzeko aukera ematen du.

2. Hezeguneen egoera ebaluatzeko;

Hegazti urtarrak adierazle ekologiko bikainak dira. Haien presentziak edo ausentziak hezeguneen osasunari buruzko pistak ematen ditu.

3. Kontserbazio-neurriak diseinatzeko;

Datuak ezinbestekoak dira:

• Espazio babestuak deklaratzeko edo berrikusteko

• Kudeaketa-planak egiteko

• Mehatxu berriak identifikatzeko

• Nazioarteko konpromisoak betetzeko (Ramsar, Hegaztien Zuzentaraua…)

4. Herritarren parte-hartzea sustatzea

Herri zientziaren aldeko elkargune sendoenetakoa da, non profesionalak eta zaleak helburu bateratu baten alde elkartzen diren.

Laburbilduz;

Hegazti urtarren errolda funtsezko tresna da gure hegazti-populazioen bilakaera ulertzeko eta hezeguneak babesteko. Lan isil eta kolektiboa da, baina gure biodibertsitatearen etorkizunerako erabakigarria.

Hemen Zarautz eta Getariko erroldaren emaitza:

GETARIA (Aitziber Sarobe, Pello Izkeaga, Imanol Lizartza, Manu Sanchez)

Kaio hankahori Larus michahellis 179

Kaio beltza Larus marinus 2

Ubarroi handi Phalacrocorax carbo 13

Ubarrroi mottodun Phalacrocorax aristotelis 16

Antxeta mokogorri Chroicocephalus ridibundus 2

Martin arrantzalea Alcedo atthis 1

ZARAUTZ;

IRITA; (Asier Aldalur, Haritz Sarobe, Emilio Salvatierra)

Criollo ahatea 3

Ur oiloa Gallinula chloropus 12

Uroilanda haundia Rallus aquaticus 1

Lertxun hauskara, Ardea cinérea 1

Basa ahatea Anas platyrhynchos 45

Etxeko antzarra, Anser anser 1

IÑURRITZA; (Asier Aldalur, Haritz Sarobe, Emilio Salvatierra)

Zertzeta arrunta Anas creca 4

Ur oiloa Gallinula chloropus 11

Ubarroi haundia Phalacrocorax carbo 1

Uroilanda haundia Rallus aquaticus 5

Basa ahatea Anas platyrhynchos 6

Kaio hankahoria Larus michahellis 47

Kaio iluna Larus fuscus 1

Antxeta burubeltza Larus melanocephalus 1

Istingor arrunta Gallinago gallinago 4

MOLLARRI;(Asier Aldalur, Haritz Sarobe, Emilio Salvatierra) 0

Joxepo Teresen eskutik 'San Anton, BIO monton' dokumental solasaldia zuzenean ikusteko aukera

San Anton mendiko biodibertsitatea aztergai izan du Joxepo Teres ek dokumental honetan. Joxepo Arkamurka Natura Elkartea eta Aranzadi Zientzia Elkarteko kidea da eta honela laburbildu du bere hitzaldia: «Bizkaiko golkoan toki gutxik gordetzen dute San Anton mendiak adina magia. Paisaia idiliko batean kokaturik, espezie mota ezberdin anitz bizi dira. Bertan, aldaketa ugari izan diren arren, biodibertsitatea trinko mantentzea lortu da. Baina, noiz arte? Bizidunen aniztasuna kaltetu eta mehatxatzen duten faktore eragileak ere badira». Saioaren izenburuak dena esaten du, 'San Anton, BIO monton'.  

'San Anton, BIO monton' dokumental solasaldia zuzenean

UDALATX "URA ETA ATXA" DOKUMENTAL SOLASALDIA INMA MUGERTZAREKIN, ZUZENEAN IKUSTEKO AUKERA

Azaroak 27, osteguna 19;00tan. Zarauzko Modelo aretoan

Dokumentalaren trailerra, dokumental osoa PRIMERA plataforman ikusteko aukera dago.

Inma Mugertzak eskaini zigun hitzaldi solasaldia zuzenean ikusteko aukera duzue hemen

URA ETA ATXA dokumentalak Udalatx mendiaren balio historiko, kultural eta naturalak jasotzen ditu, Besai-de Mendizale Elkartearen ekoiztutako ikus entzunezko bateratuan. Ingurune hau babesteko deiadarra da.

Udalatx mendia (1117 m) duela milioika urte itsasotik agertu zen. Bere harkaitzetan eta haitzarteetan antzinako bizitzaren aztarnak ikus daitezke, eta bere barnean, garai bateko gizakien hezurrak eta arrastoak ere gordetzen dira.

Mendeetan zehar izan dira ustiatuak Udalatxek eskainitako baliabideak. Baina gaur egun ere bizi bizirik jarraitzen du, bere baitan dituen baso, zelai, harkaitz eta harri arrailetan babesa eta bizitokia emanez hainbat: hegazti, ugaztun, narrasti, anfibio eta abarrei.

Ondorengo solasaldia Inma Mugertza Perello kin izango da. Doktorea eta ikertzailea, Euskal herriko unibertsitatean, HGI Hidro ingurumeneko prozesuak ikertaldekoa.

ZARAUZKO 46.NATURA ASTEAN IZAN DIREN HITZALDIAK ZUZENEAN IKUSTEKO AUKERA DUZUE HEMEN

🍂 Udazkenero bezala, martxan da Natura-Astea Zarautzen. Arkamurka Natura-Elkarteak urtero antolatzen duen ekimen honek gure inguruko natura ezagutzeko, zaintzeko eta gozatzeko aukera paregabea eskaintzen du. Aurtengo egitaraua bereziki aberatsa izan da, eta herritarrak animatu nahi ditugu antolatu diren hitzaldi, dokumental eta erakusketetan parte hartzera, ea denon artean naturaren aldeko kontzientzia indartzen dugun. Aurtengo hitzordua urriaren 13tik 19ra izango da: Aurtengo edizioak naturaren eta gizartearen arteko harreman konplexuak jorratuko ditu, klima-aldaketaren eragina, espezie inbaditzaileak, turismoaren presioa eta mendiko kirolen inpaktua bezalako gaiak aztertuz.

📍 Hitzaldiak eta dokumentalak astean zehar izango dira, guztiak euskaraz eta Zarautzen bertan:

• Urriak 13, astelehena (19:45) – Mikologia: Onddo sentikorrak klima eraginen baitan, Unai Fernandes (Aranzadi zientzia elkarteko mikologia saila). Arkamurka elkartearen egoitzan.

PRIMERAN, ETBn osorik ikusteko aukera dago

• Urriak 14, asteartea (19:00) – KANTAURI dokumentalaren emanaldia, Xabier Mina (Naturalista, dokumental egilea, ikertzailea, irakaslea) Lekua: Modelo Zineman. Ondoren solasaldia izango da.

• Urriak 15, asteazkena (19:45) – Kiroldegiak mendian: Espezie inbaditzailea?, Luixmari Zulaika Isasti (EHUko irakaslea). Arkamurka elkartearen egoitzan.

• Urriak 16, osteguna (19:45) – Turismoa, natura eta mendia: Ezinezko oreka? Turista maitea hau ez da postal huts bat. Sare sozialak. Jon Kareaga (Eduki sortzailea, ingurumen aktibista). Arkamurka elkartearen egoitzan.

📸 Urriak 19, igandea, Natura-Astea amaitzeko, Zarauzko azokan onddoen erreinuari buruzko erakusketa, Perretxikoen erakusketa eta ingurune naturalaren inbasioa jorratuko dira.  Ordutegia 11:00etatik 14:00etara eta 17:00etatik 20:00etara izango da. 

🌿 Arkamurka Natura-Elkarteak herritarrak eta bisitariak gonbidatzen ditu naturaren zaintzaz eta ingurumenaren erronkez hausnartzera, eta parte hartzera ekitaldi hauetan. Sarrera librea da, eta hitzaldiak elkartearen egoitzan izango dira, salbu eta dokumentala, Modelo Zineman.

📣 Deialdia: Etor zaitez, parte hartu eta partekatu! Natura-Astea ez da soilik naturaz gozatzeko aukera bat, baizik eta gizartearen eta ingurumenaren arteko elkarrizketa sustatzeko gune bat ere bai.