2020(e)ko otsailaren 8(a), larunbata

Zabor ugari atera degu gaur Iñurritza biotopotik

Zarauzko Hezeguneen I. egunaren harira, Iñurritzako eremuan plastikoa jasotzeko elkartu gera herritar talde bat.  Otsailaren 2a Nazioarteko Hezeguneen Eguna izan zen, eta egun horren harira, Zarauzko Hezeguneen I. eguna antolatu degu Arkamurka natur taldekoak gaurko. Zubiondo erretegiaren atzealdetik hasi, eta golf zelai barreneraino, errekaren bi aldeetan aritu gara plastikoa eta gainerako zaborra jasotzen. 
Babestutako eremuan aritu gara plastikoak jasotzen eta urteko beste garai batzuetan bertan bizi diren txoriak oraindik ez direnez iritsi, hau izaten da urteko garai onena bertan ibiltzeko, orain eragiten zaiolako kalte gutxien eremuari. 
Eremua garbitzeaz gain, landare inbaditzaile batzuk kentzeko ere aprobetxatu degu gaurko eguna.
Eguraldia lagun degula aritu gera, eta irudi bitxiak utzi ditu ekintzak. Argazki berean, boluntarioak ikus zitezkeen zakuak zaborrez betetzen; eta haien gainaldean, berriz, golf zelaiko erabiltzaileak, alde batetik bestera jokoan.
Beheko argazki sorta honetan ikusten den bezala, denon artean zabor kopuru haundia Iñurritzatik ateratzea lortu degu.


Hemen sartuta HITZAREN ERREPORTAIA eta berarekin batera bideotxo bat ere ikusi daiteke.
Arkamurkaren eskutik mila mila esker bertara gerturatu zeraten guzioi.



Iñurritzan bildutako landare inbaditzaile batzuei buruzko azalpenak ematen Aitor Leiza