DOKUMENTAL SOLASALDIA ; KLIMA ALDAKETA, NOLA SAIHESTU KOLAPSO GLOBALA

Apirilak 20, osteguna-19;00etan, Zarauzko Modelo aretoan izango den dokumental-solasaldi honetan parte hartzera gonbidatua zaudete. Bideo dokumentaldi baten ondoren Klima aldaketa saihesteko egun dauden alternatibak gaitzat hartuta hitzaldi bat eskainiko du Eneko Olabarrietak, berau energia gaietan aditua da. Hitzaldiaren ondoren, solasalditxoari emango diogu paso entzulegoa parte hartzera gonbidatuz. 

Imajina ezazu energia sistema tradizionala aldatzen duzula eta zure bizilagunei itzultzen diezula energia garbia ekoizteko ahalmena. " We the Power" filmak lagun, familia eta ameslariei jarraitzen die beren ahaleginean, lege oztopoak eraitsi eta energia-konpainia haundiei boterea kentzeko, tokian tokikoen esku jartzearren. Filmak Alemaniako ohian beltzean, Gironako antzinako kaleetan eta Londreseko hiriko teilatu lauetan bizi izandako tokiko kooperatiben prozesua kontatzen du, energia berriztagarrien iraultzarako bidea irekitzen duten eta finantza arloan osasungarriagoak eta egonkorragoak diren komunitateak eraikitzen dituzten bitartean.

Eneko Olabarrieta Goikoetxea

 Modelaketa eta optimizazio ingeniaria R2M soluzioan

Oharra; Dokumentala ingeleses izango da, bainan erderazko azpitituluekin eta hitzaldia euskeraz.

IRITAKO LUR MUGIMENTUAK

Ikusten denez, jendeak galdetzen du ea zer ari diren egien Iritan Petronor gasolindegiaren aurrean. 

Labur esanda Asti errekaren Iritako zatiko lurra kendu eta ur-azalera handitzea.

Arkamurkak 2020an bi aukera agertu zizkion Udalari, bata MAXIMOA (MAX) ea bestea MINIMOA (MIN). Momentuz MINIMOrako adostasuna lortu genuen udaleko ordezkariekin. 

Atsikta bidaltzen dizuegun dokumentuan xehetasunez agertzen dira eskatzen genituenak. Ondoren, Ekolur enpresari eskatu zioten proiektua eta guraizeak sartu zituzten, aurrekontuaren aitzakian. Dokumentu honetan ematen zaie buelta kontu horiei.

Beraz, gure MINIMOak ez dira beteko. Lehenik, Itsamendi auzoaren ekialdean agertzen den berdegune eta jolas-tokia (marrazkian A eta B eremuak) ez dira egingo, hor etxeak egingo dituztelako. Dirudienez, Asti errekaren ezker aldea ere ez da kasik hustuko.

Ia bide gorriraino lurra kentzeko gure eskaera ez da beteko. Aurrekontuaren aitzakian, eremu handia geratuko da urpetik kanpo. Ziur gaude urbanizazio bat garatuko dela  inguruan, naturalizazio baten ordez. Ekolurren proiektuan adibidez, Itsasmenditik autopista sarrerako lehen biribilgunera datorren bideak zintarriak (bordillo) eta guzti izango ditu. Horretan doa dirua. Beste adibidea da landare-landaketarena; berez etorriko diren haltzak eta lezkak landatu behar dituzte.

Kontsuelo bat geratuko zaigu, gaur edo bihar lurra kentzea egin ahal izango dela, baina Itsasmendin egingo diren etxeak kentzea zailagoa izango da, Eguzki-Izarren egiten ari direnak bezalaxe.

Arkamurka natura taldea