Arkamurka eta Pagoeta Mendizale Elkarteak elkarrekin Lizarragako mendatean barrena egindako irteeraren irudiak

Urtero bezala aurten ere, Arkamurka Natura Elkarteak eta Pagoeta Mendizale Elkarteak elkarrekin egin dugu urteko azken irteera. Urtero herrialde ezberdin batera joan ohi izan gara, eta aurten, Nafarroaren txanda izan da. Arkamurkak gidatuta, Urbasaraino joango gara. Lizarragako mendatean hasi eta bukatu den irteerak, gutxi gorabehera, 8 km-ko luzera izan du, eta tartean San Adrianeko ermitan hartu dugu atsedena. Inguru horretako geologia eta geomorfologia ezagutzeko aukera bikaina izan da. Hemen behean dituzue ikusgai bidaian zehar ateratako argazki sorta.

 

Hitzaldia bideoz ikusteko aukera; Pautas a seguir en el asesoramiento en las intoxicaciones por setas. Casos experienciales

 

Perretxikoen toxikotasunari buruz hitz egin zigun Pedrok, eta aholkuak eman zituen intoxikazio-kasuetan nola jokatu behar den jakiteko. Prebentzioan arreta jarriz, besteak beste mikologoen eta osakidetzako larrialdi-zerbitzuen arteko elkarlanaren garrantzia azaldu zigun Pello Arrillagak. 

Lehen bideoa

Bigarren bideoa

Hirugarren bideoa

Laugarren bideoa

Bostgarren bideoa

Azaroaren 26a: Arkamurkak pagoeta mendizale elkartearekin batera antolatutako 2023ko irteera

Iaz bezala aurten ere, Arkamurka Natura Elkarteak eta Pagoeta Mendizale Elkarteak elkarrekin egingo dute urteko azken irteera.

Urtero herrialde batera joan ohi gara, eta aurten, Nafarroaren txanda da. Arkamurkak gidatuta, Urbasaraino joango gara. Lizarragako mendatean hasi eta bukatuko den irteerak, gutxi gorabehera, 8 km-ko luzera izango du, eta tartean San Adrianeko ermitan hartuko dugu atsedena. Inguru horretako geologia eta geomorfologia ezagutzeko aukera bikaina

eskainiko digu eta paisaia interpretatzeko argibideak jasoko ditugu.

 

Hemen duzu ibilbidearen informazioa.

 

Joan-etorrian emandako denbora kontuan izanda, goiz-buelta pittin bat luzatuko da: bueltan, Zarautzera 15:30etan iristea aurreikusi da.

 

Eguna: azaroaren 26a.

Irteera: goizeko 07:30, Agoues biribilgunetik

Izen-ematea, ohi bezala, Mendizabal kinkil-dendan egin behar da. Arazoaren 20tik 24ra bitartean duzu izena emateko aukera.

Animatu!!

Iñurritzan kainabera espezie inbaditzaileak jasotzeko auzolanean parte hartzeko deialdia

Landare espezie inbaditzaileak espazio zabalak betetzen dituzte bertako espezieak desagertaraziz, eta biodibertsitatean kalte handiak eraginez.

 Kanabera inbaditzaileak ateratzea
 Azaroak 11, larunbata
 9:00
 Zarauzko Iñurritza biotopo sarrerako kaskatxuri aurrean
 Eskularruak eta katiuskak ekartzea gomendatzen da.

Natura zaintzeko beharrezkoa da ekosistema bakoitzean garatu behar duten espezie desberdinak babestea. Inbaditzaileek, berriz, kainabera kasu, espazio osoa betetzeko gaitasuna dute eta bertako espezieekin lehiatzeaz gain, hauek desagertarazteraino iritxi daitezke. Naturan inportantea da espezie ezberdinak elkar nahasian egotea, era horretan biodibertsitatea kontserbatzeko beharrezkoak diren baldintzak sortzen direlako. Beraz, kainaberak biotopotikan auzolanean kenduaz lortu dezagun oreka ekologiko hori ahal den egokien mantentzen.