ZARAUZKO ORKIDEEN MAPA 2024

Juantxo Unzuetak, orkideen maitalea den Arkamurka natur taldeko kideak eskerrak eman nahi dizkio, bere taldekideei, udaletxetik orkideak zaintzeko  irekitako esperantzarako aukerari, jardineritzako arduraduna den Iosuri eta bere langileei, Patxi Coirari, Patriciari, Jokini, Ainharari, Aritzbatalde auzoko bizilagunei txartel politekin azken urteotan landareak zuen altzoan hartu dituzuenoi,  Arantxa loredendari eta orkideak zaintzeko ekintzetan hondar alea aportatu duten denei. Bide batez, asteburuan orkideak ikusteko egin diren irtereetara etorri diren 45 lagunei. Irteretara etorri zirenak asko disfrutatuko zutelakoan, aurrerantzean orkideak ikusteko ibilbide hau, lagunekin zein familiarekin dastatu eta disfrutatzeko aukera aprobetxatuko dutelakoan, etxe aurreko belarditxoetara etorri zaizkigun eboluzioaren harri bitxi hauetaz gozatzen jarraitu dezatela. Irteretara etortzerik izan ez dutenek Zarauzko orkideen mapa gidaritzat hartuta hor daukate aukera bere kontura joateko, eta bide batez  ikastetxe zein beste zenbait taldeek ere hor dute materiala eboluzioa lantzeko. Gure aldetik, aurrerantzean ere saiatuko gera lorategietan orkideen izenekin txartetxoak jartzen. Behar izanez gero Juantxo Unzuetarekin harremanetan jarri daiteke eta orkideak ikusteko adostu daitezke zenbait ekintza (juantxoun@hotmail.com) Ibilbidea hau izan liteke; Egaña kalean hasi, Araba kale osoa zeharkatu Orokieta ikastetxera arte, suhiltzaileak igaro eta Astiko pasagunean bukatzeko. Eta gero hiru harribitxi daude, San Pelaion Iñurritza zelaia, Pilartxoenea parkea eta Sanz Eneako lorategia. Beraz, Arkamurka natur taldea sortzeko izan genuen aldarriari jarraiki, ikasi ,erakutsi, ezagutzak errespetoa eta maitasuna bai dakarki... DISFRUTATU NATURAZ